Germaniya maxsus xizmatlari Yevropaga qochoqlar bilan birga 17 nafar IShID jangarilari kelganidan xabardor

Yevropaga qochoqlar niqobi ostida IShID terrorchilik guruhining 17 nafar a’zosi kirib olgan. Bunday axborotni Germaniya maxsus xizmatlari qo‘lga kiritgan, deb yozadi “Vedomosti” Germaniya kontrrazvedkasi rahbari Gans-Georg Maasenga tayanib.

Foto: EPA

“17 kishi IShID topshirig‘iga binoan yetib kelgani haqida ishonchli dalillar mavjud”, — dedi Maasen. Uning aniqlik kiritishicha, ularning ko‘pchiligi o‘ldirilgan yoki hibsda saqlanmoqda. Shularning ikki nafari Parijdagi 2015-yil noyabr teraktlari vaqtida yo‘q qilingan.
Kontrrazvedka rahbari taxminiga ko‘ra, IShID Yevropaga ko‘chib borish uchun qochoqlar kabi an’anaviy yo‘llardan foydalanishga ehtiyojmand emas, ammo ushbu holatda “gap imkoniyatlarni ko‘z-ko‘z qilish haqida bormoqda”.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo