Oyatulloh Xomanaiy Suriya masalasida AQSh bilan hamkorlik imkoniyatini butkul rad etdi

Eron diniy yetakchisi oyatulloh Ali Xomanaiy mintaqaviy masalalar, jumladan, Suriya borasida AQSh bilan har qanday munosabatlar imkoniyatini rad etdi. Bu haqda u 2-iyul, shanba kuni Tehronda talabalar bilan uchrashuvi chog‘ida ma’lum qildi, deb  xabar beradi “TASS”.

Foto: Regnum

Qo‘shma Shtatlarda yangragan Eron bilan mintaqaviy, xususan, Suriya masalasida hamkorlik haqidagi bayonotlarga izoh berar ekan, Xomanaiy “biz bunday hamkorlikka bormaymiz, chunki AQShning asosiy maqsadi Eronning mintaqadagi ishtirokiga barham berishdan iborat. O‘z navbatida, Eron ham AQSh mintaqa ishlariga aralashmasligi va bu yerda hozir bo‘lmasligini istaydi”, — dedi.
Oyatulloh Vashington qutqusi ostidagi harakatlardan tiyilishga chaqirdi.
“Eron rivojlanish uchun G‘arbga tayanishi kerak deb ishonayotganlar aqlini yig‘ib olsin. Men bunga oxirgi nafasimgacha qarshilik qilishni o‘zimning ma’naviy va diniy burchim deb bilaman”, — ma’lum qildi Xomanaiy.
Batafsil | Подробно | Read more... Daryo