Islandiya prezidenti: Mamlakat aholisining muhabbati — terma jamoa uchun eng asosiy mukofot

Islandiya prezidenti Gudni Yoxannesson futbol bo‘yicha mamlakat terma jamoasining Yevro–2016 turniridagi ishtirokiga izoh berib o‘tdi, deb xabar bermoqda “Chempionat”. Islandiyaliklar chorak finalda musobaqa mezboni Fransiyaga 2:5 hisobida imkoniyatni boy berdi .

Foto: The Guardian

“Barchasi yaxshi yakunlanishiga ishonchim komil edi. O‘yinchilarning kuchi va ruhini bilaman. Islandiya hech kimdan qo‘rqmay, hammani hurmat qilgan holda yurakdan o‘ynaydi. Albatta, barchani birlashtirgan futbolni rivojlantirishga harakat qilamiz. Fransiyaga qarshi Yevropa chempionatining asosiy stadionida to‘p surish ajoyibdir. Biz hozircha birinchi qadamni tashladik va futbol uchun shart-sharoitlarni yaxshilaymiz”, – dedi Islandiya prezidenti.


Yevro–2016 dagi muvaffaqiyatli ishtirokidan so‘ng Islandiya termasi futbolkalarining sotuvi 1800 foizga oshdi


“Futbolchilarni qay tariqa rag‘batlantiramiz? Ular o‘zlari uchun tarixiy voqeani sovg‘a qildi va buni hamma qadrlaydi. Futbolchilar islandiyaliklarning muhabbatiga erishdi va bu eng asosiy mukofot”, – deya qo‘shimcha qildi Gudni Yoxannesson.


Islandiya termasining futbolkalarini ishlab chiqaruvchi kompaniya ortib borayotgan talab sababli muammoga duch keldi



Batafsil | Подробно | Read more... Daryo