Xitoy saytlariga ijtimoiy tarmoqlardan tasdiqlanmagan ma’lumotlarni olish taqiqlandi

Xitoy kiberxavfsizlik masalalari bo‘yicha davlat boshqarmasi mamlakat saytlarining chop etayotgan ma’lumotlari ishonchli, keng qamrovli, obyektiv va rostgo‘y bo‘lishining chora-tadbirlarini amalga oshirish bo‘yicha qaror chiqardi. Bu haqda TJournal xabar bermoqda .

Foto: Steam Feed

Xitoydagi internet-portal va nashrlarga ijtimoiy tarmoqlar va boshqa internet manbalardan tekshirilmagan ma’lumotni to‘g‘ridan-to‘g‘ri olish taqiqlandi. Axborotlarni yozishda mish-mishlardan foydalanish, shuningdek, faraz yoki fantaziyaga tayanish ham taqiqlandi.
Avvalroq Xitoy rasmiylari ijtimoiy tarmoqlarda mazmuni qonunlarga zid izohlar qoldirish va ularni bo‘lishishga qarshi kampaniyani ishga tushirmoqchiligi ma’lum bo‘lgandi.
Shu yilning 1-martidan boshlab Xitoy internetida konstitutsiya va qonunlarga zid bo‘lgan suratlar va har qanday ma’lumotlardan foydalanishga taqiq qo‘yildi.
Batafsil | Подробно | Read more... Daryo