Associated Press beysbol yangiliklarini yoritish uchun robotni jalb etdi

AQShning Associated Press axborot agentligi oldin OAVda yoritilmagan Minor League Baseball kichik beysbol ligasi o‘yinlari haqida yozish uchun robotni jalb etdi. Bu haqda “RBK” xabar bermoqda .

Foto: AP

Matn tuzish uchun Automated Insights kompaniyasi dasturi, shuningdek, Bosh beysbol ligasi (MLB) o‘yinlarini sharhlab borgan Major League Baseball Advanced Media portali manbalaridan foydalanilmoqda. Robot tomonidan yozilgan matnlar agentlik standartlariga to‘g‘ri kelishi AP’ning beysbolga ixtisoslashgan jurnalistlari tomonidan tekshirilmoqda. Materiallar 13 ta quyi ligaga taqsimlangan 142 jamoa ishtirokidagi o‘yinlarni yoritadi. 
Ma’lumot uchun,  AP 2015-yil boshidan beri kompaniyalarning chorak yakunlari bo‘yicha moliyaviy hisobotlarini yozish uchun robotdan foydalanib kelmoqda. Har chorakda 3500 dan ortiq shunday maqola chop etiladi. 
Batafsil | Подробно | Read more... Daryo