Bag‘doddagi teraktdan so‘ng Iroqda 5 nafar mahbus qatl etildi

Iroq hukumati 4-iyul, dushanba kuni 5 nafar mahbusga nisbatan chiqarilgan o‘lim jazosini amalga oshirdi. Bu haqda AFP agentligiga tayanib, “TASS” xabar bermoqda .

Foto: AFP

“Biz besh nafar mahbusga chiqarilgan o‘lim jasozini amalga oshirganimizni e’lon qilamiz”, — deb Iroq Adliya vazirligi bayonotidan iqtibos keltiradi AFP. Rasmiylar mahbuslar qaysi jinoyati uchun oliy jazoga hukm qilinganiga aniqlik kiritmadi.
Avvalroq Iroq bosh vaziri Haydar al-Obodiy mamlakat hududidagi sudlangan barcha terrorchilarga nisbatan o‘lim jazosini darhol amalga oshirishni buyurgan edi .
Eslatib o‘tamiz, 3-iyulga o‘tar kechasi Iroq poytaxtining Karrada tumanidagi shialar ziyoratgohi yaqinida avtomobil portlatilishi oqibatida qurbonlar soni, so‘nggi ma’lumotlarga ko‘ra, 213 kishiga yetdi . 200 dan ortiq kishi jarohat oldi.
Bag‘dodda sodir etilgan terakt qurbonlari xotirasiga umummilliy motam e’lon qilingan edi .
Batafsil | Подробно | Read more... Daryo