O‘zbekistonda Samsung sovitgichlarini ishlab chiqarish boshlandi

2016-yil 4-iyul kuni O‘zbekistonda Samsung brendi ostidagi zamonaviy sovitgichlarni to‘liq ko‘lamda ishlab chiqarish boshlandi, deya xabar bermoqda Tashqi iqtisodiy aloqalar, investitsiyalar va savdo vazirligi matbuot xizmati.

Foto: Tashqi iqtisodiy aloqalar, investitsiyalar va savdo vazirligi

U O‘zbekiston Prezidenti Islom Karimovning 2015-yil 27—29-may kunlari Koreya Respublikasiga tashrifi chog‘ida erishilgan kelishuvlar doirasida ishga tushirildi.
Loyihaning umumiy qiymati 4 million dollardan oshdi. Loyiha doirasida Koreya, Yaponiya, Italiya va Xitoydan keltirilgan texnologik uskunalar o‘rnatildi, 40 dan ortiq ish o‘rinlari yaratildi.
Joriy yil oxirigacha 6000 tagacha sovitgich ishlab chiqarish, 2017—2018-yillarda esa ularning sonini yiliga 50 ming donaga yetkazish rejalashtirilmoqda. Shuningdek, Samsung sovitgichlarini Samsung Electronics distribyutorlik tarmog‘i orqali mintaqa bozorlariga eksport qilish ham ko‘zda tutilgan.
Batafsil | Подробно | Read more... Daryo