Lipetskda o‘g‘lini sotishga uringan Qozog‘iston fuqarosi 4,5 yillik qamoq jazosiga hukm qilindi

Sud o‘tgan yili Rossiyaning Lipetsk shahrida uch yoshli o‘g‘lini 1,5 million rublga sotishga uringan Qozog‘iston fuqarosini 4,5 yillik qamoq jazosiga hukm qildi. Bu haqda “RIA Novosti” xabar bermoqda .

Foto: “RIA Novosti”

Tergov ma’lumotlariga ko‘ra, 24 yoshli qozog‘istonlik 2015-yil 10-iyulda Lipetskda farzandini 1,5 million rublga sotishga harakat qilgan chog‘ida qo‘lga olingan. Erkak o‘g‘lini sotishi haqida internetda e’lon bergan, u bilan “oldi-berdi”ga esa tezkor xodimlar kelgan.
So‘roq chog‘ida qozog‘istonlik “o‘g‘lini yaxshi oilaga joylashtirmoqchi bo‘lgani”ni bildirdi. Bundan topilgan mablag‘ni esa uy-joy sharoitini o‘nglashga ishlatish niyatida bo‘lgan. Unga nisbatan “odam savdosi” va “hujjatlarni qalbakilashtirish” moddalari bo‘yicha jinoiy ish ochildi. Iyun oyida sud boshlandi va 4-iyul, dushanba kuni hukm e’lon qilindi.
Batafsil | Подробно | Read more... Daryo