Madinadagi teraktni asli pokistonlik shaxs sodir etgani ma’lum bo‘ldi

Madina shahridagi Masjidi Nabaviya yaqinida terakt sodir etgan xudkush 12 yil muqaddam Saudiya Arabistoniga ko‘chib kelgan pokistonlik kishi bo‘lib chiqdi. Bu haqda “Interfaks” xabar bermoqda .

Foto: “Nur.kz”

Qirollik ichki ishlar vazirligining ma’lum qilishicha, xudkushning shaxsi aniqlangan bo‘lib, u 34 yoshli Pokiston fuqarosi Abdulla Kalzar Xon ekan. Erkak xotini va uning ota-onasi bilan Jiddada yashab, haydovchi bo‘lib ishlab kelgan ekan, deb qo‘shimcha qiladi Associated Press.
Saudiya Arabistonida 9 million chet el fuqarosi istiqomat qiladi, ular orasida eng katta guruhni pokistonliklar tashkil etadi.
Eslatib o‘tamiz, xavfsizlik xizmati xudkushni masjid ichkarisiga kiritmaganidan so‘ng u portlovchi uskunani muassasa avtoturargohi yaqinida harakatga keltirdi. Buning oqibatida xavfsizlik xizmatining to‘rt xodimi halok bo‘ldi .
Batafsil | Подробно | Read more... Daryo