7—9-iyul kunlari Cyber Security Challenge Uzbekistan tanlovining yarim finali bo‘lib o‘tadi

Yoshlar ijod saroyida 7-iyuldan 9-iyulga qadar Cyber Security Challenge Uzbekistan tanlovining yarim finali bo‘lib o‘tadi. Bu haqda Yoshlar tashabbuslari markazi matbuot xizmati “Daryo”ga xabar berdi.

Foto: Yoshlar tashabbuslari markazi matbuot xizmati

Cyber Security Challenge Uzbekistan tanlovi bu mamlakatda kiberxavfsizlik sohasidagi ilk ochiq bellashuvdir. Tanlov xavfsiz axborot texnologiyalari sohasiga qiziquvchi yoshlarning intellektual salohiyatini oshirishga yo‘naltirilgan. Tanlov auditoriyasi 15 yoshdan 30 yoshgacha bo‘lgan virtual infratuzilmada tajriba orttirayotgan yosh mutaxassislardan iborat.
18-maydan 10-iyunga qadar respublikaning oltita hududi — Samarqand, Farg‘ona, Buxoro, Navoiy, Xorazm va Qashqadaryo viloyatida ko‘rgazmali mahorat darslari va ishtirokchilarni dastlabki saralash bo‘lib o‘tdi.
Tanlov finali ICTWEEK Uzbekistan-2016 haftaligi doirasida bo‘lib o‘tadi. Cyber Security Challenge Uzbekistan tanlovining sovrinlar jamg‘armasi 30 million so‘mdan iborat.
Batafsil | Подробно | Read more... Daryo