AQShning Tennessi shtatida suv toshqini tufayli favqulodda holat e’lon qilindi

AQShning Tennessi shtati hukumati kuchli jala natijasida kelib chiqqan suv toshqini tufayli shtat hududida favqulodda holat e’lon qildi, deb yozadi “TASS”.

Foto: “Radiovesti.ru”

Ayni paytda shtatning asosan markaziy va shimoliy qismlari suv ostida qolgan. Poytaxt Neshvillda bir kechada 150 millimetrdan ziyod yog‘in yog‘di, bir nechta daryo qirg‘oqlaridan toshib ketdi. Poytaxt okrugida toshqin o‘nlab uylarga ziyon yetkazdi, minglab kishilar esa elektr tokisiz qoldi.
Hukumat ofat ta’sir o‘tkazgan tumanlar aholisini evakuatsiya qilmoqda. Politsiya xavfsizlik maqsadlarida qator avtomobil yo‘llarini to‘sib qo‘ydi. Qurbonlar va jabrlanganlar haqida ma’lumot berilmayapti. Sinoptiklar ta’kidlashicha, yaqin orada mintaqada ob-havo sharoitlari yomonlashuvi kuzatilmoqda.
Batafsil | Подробно | Read more... Daryo