Ukraina prezidenti NATO sammitida ishtirok etish uchun Polshaga keldi

Ukraina prezidenti Pyotr Poroshenko Ukraina—NATO komissiyasi yig‘ilishida ishtirok etish va bir qator uchrashuvlar o‘tkazish uchun Polsha poytaxti Varshavaga keldi. Bu haqda “Korrespondent.net” xabar bermoqda . 

Foto: “Korrespondent.net”

Davlat rahbari matbuot kotibi Svyatoslav Segolkoga ko‘ra, ayni paytda Poroshenkoning sammitdagi birinchi uchrashuvi — Turkiya prezidenti Rajab Toyyib Erdo‘g‘on bilan muzokaralari bo‘lib o‘tmoqda. Tashrif doirasida, Polsha prezidenti Anjey Duda, Niderlandiya bosh vaziri Mark Ryutte, Buyuk Britaniya bosh vaziri Devid Kemeron va boshqa xorijiy yetakchilar bilan uchrashuvlar ko‘zda tutilgan. Shuningdek, Poroshenkoning AQSh prezidenti Barak Obama bilan muloqoti ham kutilmoqda. 
9-iyul kuni bo‘lib o‘tadigan Ukraina—NATO komissiyasi yig‘ilishi yakunlari bo‘yicha qo‘shma bayonot va mamlakat mudofaa xavfsizligini oshirishga qaratilgan reja qabul qilinishi mo‘ljallangan.
Batafsil | Подробно | Read more... Daryo