Qozog‘istonda Rossiya harbiy qismiga hujumga tayyorgarlik haqidagi ma’lumot tekshirilmoqda

Qozog‘iston milliy xavfsizlik qo‘mitasi Qarag‘andi viloyatida qamoqqa olingan terrorchilar Balxash shahrida joylashtirilgan Rossiya harbiy qismga hujum qilishga tayyorgarlik ko‘rgani haqidagi taxminni tekshirmoqda. Bu haqda “Interfaks” xabar berdi . 

Foto: “NTV”

“Balxashdagi Rossiya harbiy qismiga hujumga tayyorgarlik va qo‘lga olinganlarning IShID bilan aloqalari haqidagi taxminlar tekshirilmoqda”, — deyiladi qo‘mita matbuot xizmati xabarida. 
Qarag‘andi viloyatida teraktlar amalga oshirishga tayyorgarlik ko‘rgan guruhning yetti nafar a’zosi hibsga olingani haqida 1-iyul, juma kuni ma’lum qilindi . Qo‘mita matbuot xizmatiga ko‘ra, ular teraktlar sodir etgandan so‘ng Suriyaga jo‘nab ketish va ekstremistlar tarafida jangovar harakatlarda ishtirok etishni rejalashtirgan. 
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo