Amerikalik erkak uysizlarga qadr-qimmat tuyg‘usini qaytarishga urinmoqda

Dunyoda uysizlar, kambag‘allar va ijtimoiy himoyaga muhtoj qatlamlarga turfa yordam ko‘rsatuvchi ko‘plab tashkilotlar ishlaydi. Bunday ishlarga ba’zan hech qanday tashkilotga bog‘liq bo‘lmagan alohida shaxslar ham qo‘l uradi va o‘z o‘rnagi bilan muruvvat tashabbuslariga minglab boshqa insonlarni chorlaydi. AdMe ana shunday insonlardan biri haqida hikoya qilib berdi .

Foto: AdMe

Jeyk Ostin ko‘p yillardan beri Sent-Luisda (Missuri shtati, AQSh) uysizlarga yordam berib keladi. U faoliyatini maxsus tashkilotlarga muhtojlarga yetkazilishi uchun shampun, sovun va boshqa birinchi ehtiyoj mollarini olib kelishdan boshlagan edi. Keyinchalik u gigiyena muammosi hal qilinmaganini tushundi, axir uysizlarda sovun va shampun qo‘llaydigan uyning o‘zi yo‘q.

Foto: AdMe

Shunda Ostin 5 ming dollarga eskiroq yuk mashinasini xarid qildi, shuningdek, GoFundMe kompaniyasi orqali qo‘shimcha yordam oldi. U mashina interyerini yangilab, mobil dush yaratdi; bu dush ikki alohida kabina, yuvinish chanog‘i va oynalarga ega. Suv olish uchun yuk mashinasi o‘t o‘chirish gidrantlariga ulanadi, isitish uchun tashqi generator ishlatiladi. Shu tariqa, u shahar bo‘ylab sayr qilib, muhtojlarga iliq dush va tegishli sharoitlarni taqdim eta oladi.

Foto: AdMe

Bu kabi birlamchi qulayliklarga ega bugunning odamlari ayrim zamondoshlari hatto shundan ham mosuvo ekanligini tasavvur qilishi qiyin. Lekin shu kichik qulayliklar ham ba’zilar uchun ulkan yordam, estetik zavq va tahlikali o‘ylardan qutulish vositasi bo‘lib xizmat qilishi mumkin. Nihoyat, uysiz inson toza-ozoda yursa, uning ishga joylashishi oson kechadi.

Foto: AdMe

Ostin bir gigiyena loyihasidan ilhom olganini tan oladi. U loyihada gigiyena qoidalariga rioya etilishi sog‘liqni mustahkamlashi, insonga umid bag‘ishlashi va qadr-qimmat tuyg‘usini qaytarishi aytilgan edi.

Foto: AdMe


Batafsil | Подробно | Read more... Daryo