Britaniya hukumati 4 mln kishining qayta referendum o‘tkazish talabini rad etdi

Buyuk Britaniya hukumati Yevroittifoqdan chiqish haqidagi referendumni qaytadan o‘tkazish to‘g‘risidagi petitsiyani rad etdi. Shu paytga qadar murojaatni 4,126 million kishi imzolab ulgurgan edi, deb xabar beradi “RBK”.

Foto: Reuters

Murojaat mualliflari hukumatdan yangi me’yorlarni kiritib, referendumda saylovchilarning kamida 75 foizi ishtirok etishini belgilab qo‘yishni so‘ragan edi. Agar saylovchilarning 75 foizidan kamrog‘i ishtirok etsa va hech bir tomon 60 foizdan ko‘p ovoz to‘play olmasa, unda referendum qaytadan o‘tkazilishi lozim.
Hukumat tayyorlagan javobda bosh vazir Devid Kemeronning referendumga bergan bahosi keltiriladi. Uning fikricha, Brexit yuzasidan o‘tkazilgan referendum mamlakat tarixidagi eng muhim demokratik tajribalardan biri bo‘lib, unda 33 million kishi ishtirok etdi. Referendum to‘g‘risidagi qonun barcha darajalardan o‘tdi, jumladan, jamoat palatasi va lordlar palatasida ko‘rib chiqildi. Qonunda referendum tartibi belgilab berilgan bo‘lib, u tashrif minimumini ham, ovozlar muvozanati bo‘yicha cheklovlarni ham ko‘zda tutmaydi.
Petitsiya Buyuk Britaniya parlamentida ham ko‘rib chiqilmaydi.
Batafsil | Подробно | Read more... Daryo