UEFA vitse-prezidenti Anxel Mariya Vilyar tashkilot prezidentligiga saylovlarda ishtirok etadi

Yevropa futbol uyushmalari ittifoqi (UEFA) vitse-prezidenti, ispaniyalik Anxel Mariya Vilyar tashkilot prezidentligiga saylovlarda ishtirok etadi. Bu haqda “TASS” xabar bermoqda .

Anxel Mariya Vilyar. Foto: EPA

As nashri ma’lumotlariga ko‘ra, u UEFA ijroiya qo‘mitasining 16 a’zosidan 13 nafarining qo‘llab-quvvatlashiga erishgan. Vilyar talabnomalar berish muddati yakunlanadigan 20-iyulga qadar nomzodi ilgari surilishi haqida rasman bildirmaslikka qaror qilgan. Shuningdek, oldinroq ittifoq prezidentligi uchun sloveniyalik Aleksander Cheferin va niderlandiyalik Mixael van Prag ham kurashishlarini ma’lum qilgandi. UEFA yangi prezidenti saylovi 14-sentabr kuni Afinada bo‘lib o‘tadi.
UEFAning amaldagi prezidenti Mishel Platini 2015-yil dekabrida sakkiz yilga futbol faoliyatidan chetlashtirilgandi . Keyinchalik ushbu muddat olti yilga qisqartirildi. Platini Lozannadagi sport arbitraj sudiga chetlashtirish muddatini qisqartirish bo‘yicha apellyatsiya berdi. Uning apellyatsiyasi qisman qoniqtirildi — diskvalifikatsiya muddati olti yildan to‘rt yilgacha, jarima miqdori 80 mingdan 60 ming yevrogacha qisqardi.
Batafsil | Подробно | Read more... Daryo