Usoma bin Ladenning o‘g‘li AQShdan otasining qasosini olishga va’da berdi

“Al-Qoida”ning marhum yetakchisi Usoma bin Ladenning o‘g‘li Hamza otasining o‘limi uchun AQShdan qasos olishga va’da berdi. Bu haqda, Associated Press agentligiga asoslanib, “Interfaks” xabar bermoqda .

AQShda bin Ladenning o‘ldirilishi nishonlanmoqda. Foto: Reuters

“Abbotobodda sodir etilgan jinoyat jazosiz qoladi deb o‘ylasangiz, qattiq adashasiz”, — dedi Hamza bin Laden internet orqali tarqatilgan videomurojaatida.
U mazkur jinoyat uchun AQShning barcha fuqarolarini javobgar deb hisoblashini ta’kidladi.
“Al-Qoida” a’zosi bo‘lgan Hamza bin Laden AQSh bilan kurash davom etishini aytib o‘tdi.
Usoma bin Laden 2011-yili AQSh harbiylarining Abbotoboddagi (Pokiston) maxsus operatsiyasi chog‘ida o‘ldirilgan edi. Uning 25 yoshli o‘g‘li hozir qayerdaligi noma’lum.
Batafsil | Подробно | Read more... Daryo