Yaponiyada jazirama tufayli 14 kishi halok bo‘ldi, 7,5 ming kishi kasalxonaga yotqizildi

Yaponiyada oxirgi ikki hafta mobaynida jazirama tufayli kamida 7,5 ming kishi kasalxonalarga yotqizildi. Ulardan 14 nafarini saqlab qolishning imkoni bo‘lmadi. Bu haqda mamlakat yong‘inga qarshi kurash bosh boshqarmasi ma’lum qildi, deya xabar beradi “TASS”. 

Foto: Global look press

Oldinroq issiq urishi oqibatida 6 kishi hayotdan ko‘z yumgani xabar qilingandi .
Boshqarmaga ko‘ra, Yaponiyada yuqori harorat sababli aprel oxiridan beri 15 ming kishi kasalxonalarga joylashtirildi. Mamlakatda iyun oyi oxiridan beri issiq havo hukm surmoqda. Ayrim kunlarda markaziy hududlarda harorat 37 darajadan oshmoqda. Yaponiya meteorologiya boshqarmasi bu yil yoz Tinch okeanidagi El-Ninyo va La-Ninya iqlim fenomenlari ta’sirida o‘ta haroratli kechishi, iyul oxiri va avgust boshlarida jazirama avjiga chiqishini taxmin qilinmoqda. 
Ma’lumot uchun, o‘tgan yili mamlakatda jazirama tufayli 100 dan ortiq kishi halok bo‘lgan, 53 ming kishi kasalxonalarga yotqizilgandi. 
Batafsil | Подробно | Read more... Daryo