Isroillik jurnalist farrosh ko‘rinishida samolyotlarga bomba mulyajlarini olib o‘tishga muvaffaq bo‘ldi

Isroillik jurnalist David Sulaymon Sinay osmonida, Rossiyaning Airbus A321 samolyoti bortida terakt uyushtirgan terrorchilar rejasini takrorlashga muvaffaq bo‘ldi. Bu haqda TJournal xabar bermoqda .

Foto: AP

Buning uchun u soxta hujjatlar bilan Tel-Aviv aeroportiga farrosh bo‘lib ishga yollandi va deyarli barcha binolar, jumladan, yopiq hududlarga kirish imkoniyatiga ega bo‘ldi. Ikki kun davomida 12 samolyotda bo‘lish va aeroportda ruxsat berilganidan ham erkinroq harakatlanishga erishdi. Jurnalistga ko‘ra, u istalgan havo kemasi bortiga chiqishi, hatto xodimlarga bagajni joylashtirishda yordam berishi mumkin edi. U shu tariqa xavfsizlik xizmatida shubha uyg‘otmoqchi bo‘ldi, biroq bunga hech kim e’tibor bermadi. 
Sulaymon bir necha samolyotga gazli ichimliklar bankasini olib o‘tayotganini videoga tushirdi. Rossiya layneri bortida harakatga keltirilgan portlovchi qurilma aynan shunday ko‘rinishda bo‘lgandi. 
Aeroport xavfsizlik xizmati jurnalistni oradan ikki kun o‘tibgina fosh etishga muvaffaq bo‘ldi. Ma’muriyat bunday holatlar boshqa takrorlanmasligi uchun barcha choralar ko‘rilishi boshlanganini ma’lum qildi. David Sulaymon ustidan esa politsiyaga arz qilindi. 
Batafsil | Подробно | Read more... Daryo