Toshkentda LG Stylus 2 smartfoni 1,3 million so‘mdan taklif etilmoqda

LG Electronics O‘zbekistondagi smartfonlari assortimentini Stylus 2 modeli bilan kengaytirdi. Bu haqda “Mobinfo.uz” xabar bermoqda .

Foto: “Mobinfo.uz”

Smartfon rezina materialli analoglariga qaraganda matnni aniqroq yozish imkonini beradigan nanoqoplamali maxsus stilus bilan jihozlangan. Yangilik Android 6.0 Marshmallow operatsion tizimi asosida ishlaydi, ajrata olishi 1280×720 pikselli 5,7 dyumli displey, 4 yadroli protsessor (1,2 gigagers chastota, 1,5 gigabayt tezkor va 16 gigabayt qo‘shimcha xotira), 3000 mA/soat quvvatli akkumulyator, 13 megapikselli asosiy va 8 megapikselli old kameraga ega. Smartfon og‘irligi 145 gramm, qalinligi 7,4 millimetr, LTE tarmog‘ida ham ishlaydi. 
LG Stylus 2 uchun maxsus funksiyalar ishlab chiqildi. Ular qatoriga Pen Pop (tezda o‘zgartirish menyusini yoqish), Pen Keeper (displeyda paydo bo‘ladigan xabarlar yordamida stilus yo‘qolishining oldini olish) dasturlarini kiritish mumkin.
Smartfon Toshkentda 1,3 million so‘mdan taklif etilmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Batafsil | Подробно | Read more... Daryo