Chikagolik o‘zbeklar Chaddagi qishloqlardan birini ichimlik suvi bilan ta’minladi (video)

Chikagolik o‘zbeklar tashabbusi bilan boshlangan “Buloq” loyiha doirasidagi Chaddagi chekka qishloqlardan biri ichimlik suvi bilan ta’minlandi. Bu haqda Chikago o‘zbeklari uyushmasining Facebook’dagi sahifasi orqali ma’lum qilindi .

Kadr: Facebook / Uzbek American Association of Chicago

Sahifada taqdim etilgan videoda hikoya qilinishicha, uyushma tomonidan boshlangan “Buloq” loyihasi doirasida “BuildWaterWell.org” saytida kampaniya yaratildi. Xayriya mablag‘lari hisobidan 4,5 ming dollar to‘planib, Chaddagi Vassi qishlog‘ida buloq qurildi. Buning uchun qishloq yer ostidagi ichimlik suvini 45 metr chuqurdan tortib chiqaradigan nasosli uskuna o‘rnatib berildi.
Vassi qishlog‘idagi buloq 2016-yilning 27-may kuni foydalanishga topshirildi. Buning natijasida Afrikaning eng qashshoq va qurg‘oqchil hududlaridan birida yashovchi 1700 kishi toza ichimlik suvi bilan ta’minlandi.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = "//connect.facebook.net/en_US/all.js#xfbml=1&version=v2.3"; fjs.parentNode.insertBefore(js, fjs);}(document, 'script', 'facebook-jssdk'));


Batafsil | Подробно | Read more... Daryo