Toshkentda 13-iyul kuni havo harorati +41 darajagacha ko‘tariladi, kuchli shamol kuzatiladi

O‘zbekistonning aksariyat hududlarida 13-iyul, chorshanba kuni kuchli shamol kuzatiladi. Bu haqda “O‘zgidromet” markazi xabar bermoqda .

Foto: “Gazeta.uz”

Xabar berishlaricha, 13-iyulga o‘tar kechasi O‘zbekistonning tog‘li hududlarida +13…+18 daraja, Qoraqalpog‘iston Respublikasi va Xorazm viloyatida +18…+23 daraja, Toshkent shahrida +24…+26 daraja, mamlakatning qolgan qolgan hududlarida +22…+28 darajagacha iliq bo‘ladi.
13-iyul kuni kunduzi O‘zbekistonning tog‘li hududlarida +23…+28 daraja, Qoraqalpog‘iston Respublikasi va Xorazm viloyatida +30…+35 daraja, Buxoro, Navoiy, Andijon, Namangan va Farg‘ona viloyatlarida esa +35…+40 daraja issiq bo‘lishi kutilmoqda.
“O‘zgidromet” axborotiga ko‘ra, shu kuni Toshkent shahrida havo harorati +41 darajagacha, Toshkent, Samarqand, Jizzax va Sirdaryo viloyatlarida +42 darajagacha, Qashqadaryo va Surxondaryo viloyatlarida esa +44 darajagacha ko‘tarilishi mumkin.
Qayd etishlaricha, 13-iyulga o‘tar kechasi va 13-iyul kuni kunduzi Farg‘ona vodiysidan boshqa O‘zbekistonning barcha hududlarida kuchli shamol kuzatiladi, bundan tashqari, Qoraqalpog‘iston Respublikasi va Xorazm viloyatida qisqa muddatli yomg‘ir yog‘ishi va momaqaldiroq bo‘lishi ehtimoli bor.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo