Yevroittifoq Kengashi Ispaniya va Portugaliyaga qarshi sanksiyalar kiritilishini ma’qulladi

Yevroittifoq Kengashi byudjet tanqisligini kamaytirish uchun zarur choralar ko‘rmagani tufayli Ispaniya va Portugaliyaga qarshi sanksiyalar kiritilishini ma’qulladi, deya xabar bermoqda “RBK” tashkilot saytiga tayanib.

Foto: “Justmedia.ru”

Aniqlik kiritilishicha, Yevroittifoq mamlakatlari uchun 3 foizlik byudjet tanqisligi etalon hisoblanadi. Endi Yevrokomissiyada Yevroittifoq Kengashiga jarimalar kiritish bo‘yicha tavsiyalar berish uchun 20 kun vaqt bor. Jarimalar miqdori yalpi ichki mahsulotning 0,2 foizini tashkil etishi mumkin, ammo ikkala mamlakatda ham jarimalarni kamaytirishni talab qilish uchun 10 kun muddat bo‘ladi.
Portugaliya 2011-yilda Yevroittifoq va Xalqaro valyuta jamg‘armasidan 78 milliard dollar kreditlar olgan bo‘lishiga qaramay, 2015-yil yakunlariga ko‘ra, byudjet tanqisligi 4,4 foizni tashkil qildi.
Ispaniyaga esa 2012-yilda Yevrohududga a’zo mamlakatlar 100 milliard yevro kredit ajratdi, ammo 2015-yilda mamlakatda davlat byudjeti tanqisligi yalpi ichki mahsulotning 5,1 foizini tashkil etdi.
Batafsil | Подробно | Read more... Daryo