Andijonda targ‘ibot tadbirlari o‘tkazildi

11-iyul kuni O‘zbekiston Madaniyat va sport ishlari vazirligi Yoshlar madaniyat va san’at markazi tashabbusi va hamkor tashkilotlar bilan birgalikda tashkil etilayotgan “Kim edigu kim bo‘ldik, ertaga qanday yuksak marralarni egallashimiz kerak?” mazmunidagi targ‘ibot tadbirlari Andijon viloyatining Asaka, Baliqchi, Bo‘z tumanlarida boshlanib, 12-iyul kuni Jalaquduq, Izboskan, Marhamat tumanlarida davom etdi. Bu haqda “Daryo”ga markazning matbuot xizmati ma’lum qildi.

Foto: Yoshlar madaniyat va san’at markazi matbuot xizmati

Ikki kun davomida targ‘ibot tadbirlarida 33 ta qishloq fuqarolar yig‘inlari va 161 ta mahalla fuqarolar yig‘inlarida jami 81 ta tadbirlar 44 ta umumta’lim maktablarida, 27 ta kasb-hunar kolleji va akademik litseylarida, ikkita bolalar musiqa va san’at maktabida, bitta muruvvat uyida, uchta madaniyat va aholi dam olish markazida jami 23360 nafar aholi vakillari uchun o‘tkazildi.

Foto: Yoshlar madaniyat va san’at markazi matbuot xizmati

Tadbirlarda 120 nafardan ziyod taniqli san’atkorlar va estrada xonandalari, kino va teatr aktyorlari, “Nihol” mukofoti sovrindorlari, shoir va yozuvchilar, ma’naviyat targ‘ibotchilari ishtirok etdi. Shuningdek, belgilangan rejaga qo‘shimcha ravishda gala-konsertlar bo‘lib o‘tmoqda.

Foto: Yoshlar madaniyat va san’at markazi matbuot xizmati

Targ‘ibot tadbirlari 16-yil kuniga qadar davom etadi.

Foto: Yoshlar madaniyat va san’at markazi matbuot xizmati


Foto: Yoshlar madaniyat va san’at markazi matbuot xizmati


Batafsil | Подробно | Read more... Daryo