AQShda robot birinchi marta yosh bolani urib, bosib ketdi

AQShdagi Stenford savdo markazida soqchi robot 16 oylik bolaning boshiga zarba berdi, so‘ng uning oyog‘ini bosib o‘tib ketdi, deb yozadi “Korrespondent.net”.

Foto: “Korrespondent.net”

Knightscope K5 roboti modeli o‘ziga topshirilgan hududni qo‘riqlashi uchun yaratilgan. Mashinaning balandligi bir yarim metr, og‘irligi 140 kilogrammga yetadi.
“Robot o‘g‘limning boshiga urdi, natijada bola yerga yuzi bilan yiqildi, bu hissiz temir esa to‘xtamasdan, uning oyog‘ini bosib o‘tib ketdi”, — deya so‘zlab berdi jabrlangan bolaning onasi.
Ma’lumotlarga ko‘ra, robot savdo markaziga o‘tgan yili ishga qabul qilingan. U datchik va kameralar bilan jihozlangan bo‘lib, o‘ta shovqin-suronga reaksiya ko‘rsatadi va noodatiy xatti-harakatni ilg‘aydi.
Ayni paytda korxona savdo markaziga tashrif buyuruvchi yosh bolalarni xavfdan xoli qilish maqsadida qanday choralarni ko‘rish haqida bir qarorga kelganicha yo‘q.
Batafsil | Подробно | Read more... Daryo