IShID chechenistonlik ash-Shishaniyning o‘limi haqida ma’lum qildi

IShID terrorchilik guruhi jangarilari o‘z yetakchilaridan biri, chechenistonlik Abu Umar ash-Shishaniyning vafoti haqida ma’lum qildi, deb yozadi “RBK” IShID nomidan xabar tarqatuvchi Amaq agentligiga tayanib.

Foto: “RBK”

Ma’lumotlarga ko‘ra, ash-Shishaniy Iroqning Shirkat shahrida (Mosuldan janubda joylashgan)gi jangda o‘ldirilgan.
Pentagon IShID terrorchilik tashkiloti boshliqlaridan biri Abu Umar ash-Shishaniy 4-mart kuni Suriyadagi Shaddadi shahri tashqarisida AQSh tomonidan aviahujumga uchrashi natijasida yo‘q qilingani haqida xabar bergan edi. Ammo keyinroq Inson huquqlari bo‘yicha Suriya observatoriyasi vakili IShID yetakchisi tirik va klinik o‘lim holatida ekanligini aytgan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo