Koreya Respublikasi delegatsiyasi Toshkentdagi Inha universitetiga tashrif buyurdi

Koreya Respublikasi delegatsiyasi 2016-yilning 13-iyul kuni Toshkent shahridagi Inha universitetiga tashrif buyurdi. Tashrif Erkin va ochiq dasturiy ta’minot masalalari bo‘yicha O‘zbekiston-Koreya forumi doirasida tashkil etildi, deb yozadi universitet matbuot xizmati.

Foto: Toshkentdagi Inha universiteti

Erkin va ochiq dasturiy ta’minot masalalari bo‘yicha O‘zbekiston-Koreya forumi 13-iyuldan 15-iyulga qadar bo‘lib o‘tadi. Forum doirasida bir qator muhokamalar va davra suhbatlari o‘tkaziladi.
Forum Axborot texnologiyalari va kommunikatsiyalarini rivojlantirish vazirligi, Koreya IT-sanoatini rag‘batlantirish milliy agentligi (NIPA), Koreya Savdo va Investitsiyalarni qo‘llab-quvvatlash agentligi (KOTRA), “Elektron hukumat” tizimini rivojlantirish markazi, Toshkent axborot texnologiyalari universiteti va Toshkent shahridagi Inha universiteti tomonidan tashkil etildi.
Forumda ishtirok etish uchun NIPA, Bridgesoft, Publion, Cubrid, Koreya Erkin va ochiq dasturiy ta’minotni rivojlantirish uyushmasi, Korea Small & Medium IT Business Export Cooperative va boshqalarni o‘z ichiga olgan delegatsiya O‘zbekistonga yetib keldi.
13-iyul kuni Koreya delegatsiyasi Toshkent axborot texnologiyalari universiteti va Toshkent shahridagi Inha universitetiga tashrif buyurdi.
Toshkent shahridagi Inha universitetida davlat vakillari va xususiy tarmoq vakillari, hamda talabalar ishtirok etdi. Muhokamalarda Koreya delegatsiyasi bepul ma’lumotlar bazasi va ta’lim uchun Moodle tizimini taqdim etdi.
Batafsil | Подробно | Read more... Daryo