Krishtianu Ronaldu: Payetdan xafa emasman, “Oltin to‘p” esa meniki bo‘ladi

Portugaliya terma jamoasi hujumchisi Krishtianu Ronaldu Yevro-2016 finalidan o‘rin olgan Fransiyaga (1:0) qarshi o‘yin haqida o‘z fikrlarini bildirdi, deb yozadi “Stadion.uz”. U o‘yinning 25-daqiqasida jarohati tufayli maydonni tark etgandi.

Foto: “Stadion.uz”

“Finalda bunaqa bo‘lishini kutmagan edim. Jarohat olib maydondan chiqib ketayotganimda ko‘z yoshlarimni tiyib turolmadim. Hammasi tamom, endi yutqazamiz, deb o‘ylagandim.
Payetdan xafa emasman. U kechirim so‘radi, to‘pga o‘ynagandim, dedi. Uni kechirdim. Lekin onam meni g‘alaba bilan tabriklayotganida Payetning boshini uzib tashlashga tayyor bo‘lganini aytdi. Jarohatimdan bir oy ichida forig‘ bo‘lsam kerak. Yevropa superkubogi bahsida maydonga tusholmasam kerak.
Kamtarlikni bir chetga surib qo‘yadigan bo‘lsam, o‘ylashimcha, bu mavsumda ‘Oltin to‘p’ga loyiq o‘yin namoyish etdim. Messiga nisbatan kattaroq tashabbusga egaman. Grizmanni hisobga olmasayam bo‘ladi, u ikkita finalni yutqazdi. Shuning uchun ham Messi bilan oradagi farqni qisqartirsam kerak. U hozircha 5:3 hisobida oldinda” — dedi Ronaldu.
Batafsil | Подробно | Read more... Daryo