Nevada shtatida noma’lum kimsa turar joy yaqinida mashinani portlatib yubordi

AQShning Nevada shtatidagi Panaka shaharchasida noma’lum kimsa turar joy yaqinidagi avtoturargohda qoldirilgan mashina ichida joylashtirilgan portlovchi qurilmani portlatib yubordi, deb xabar bermoqda “TASS”.

Foto: AP Photo

Portlatishni sodir etgan shaxs mashina ichida o‘tirgan va u voqea joyida halok bo‘ldi. Portlash vaqtida velosipedda o‘tib ketayotgan 6 yoshli bola jarohatlandi. U shifoxonaga yetkazildi, uning hayoti xavf ostida emas.
Noma’lum kimsa nima sababdan portlashni amalga oshirgani va uning shaxsi hozircha aniqlanmadi. “Halok bo‘lgan kimsa bizning gumondorimiz hisoblanadi. Biz identifikatsiya jarayonini o‘tkazib, u nima uchun bu ishga qo‘l urganini aniqlashga harakat qilamiz”, – dedi Linkoln okrugi sherifi Kerri Li.
Huquq-tartibot xodimlarining fikriga ko‘ra, gap terakt haqida bormayapti. Jinoyatchi turar joyda istiqomat qiluvchi aniq bir oilaga zarar yetkazmoqchi bo‘lgan. Hodisa yuzasidan surishtiruv ishlari olib borilmoqda.
Batafsil | Подробно | Read more... Daryo