Arte telekanali O‘zbekistonda “Buyuk ipak yo‘li va boshqa mo‘jizalar” filmini suratga olmoqda

“O‘zbekturizm” milliy kompaniyasida Fransiyaning Electron Libre Productions telestudiyasi prodyuseri B. Giyom bilan uchrashuv bo‘lib o‘tdi. Unda Arte telekanali buyurtmasiga asosan “Buyuk ipak yo‘li va boshqa mo‘jizalar” hujjatli filmi suratga olinishi bilan bog‘liq tashkiliy masalalar muhokama etildi. Ushbu loyiha “O‘zbekturizm” va Fransiyaning O‘zbekistondagi elchixonasi hamkorligi doirasida amalga oshirilmoqda, deya xabar beradi “Anons.uz” .

Foto: “Anons.uz”

Suratga olish ishlari 9-iyuldan e’tiboran Toshkent, Buxoro, Samarqand, Farg‘ona va Marg‘ilon shaharlarida kompaniya hamda O‘zbekiston elektron OAV milliy assotsiatsiyasi ko‘magida bo‘lib o‘tmoqda. Film har birining davomiyligi 26 daqiqadan bo‘lgan 15 qismdan iborat, suratga olish 19-iyulgacha davom etadi.
Ssenariyga ko‘ra, boshlovchi A. de Monteskyu tarixchilar, arxeologlar va oddiy insonlar bilan muloqotda bo‘ladi, o‘zbek xalqining ko‘p asrlik an’analari, urf-odatlari haqida hikoya qiladi. Film Arte telekanali orqali Fransiya va Germaniyada ko‘rsatilishi ko‘zda tutilgan.
Avvalroq Arte telekanali O‘zbekistonda “Ipak yo‘li bo‘ylab sayohat” nomli hujjatli filmni suratga olgandi .
Batafsil | Подробно | Read more... Daryo