Turkiya bosh vaziri 2800 dan ortiq harbiy hibsga olinganini ma’lum qildi

Turkiya qurolli kuchlarining oliy va o‘rta bo‘g‘inining 2,8 mingdan ortiq vakili mamlakatda harbiy to‘ntarishga urinishdan so‘ng qo‘lga olindi. Bu haqda Turkiya bosh vaziri Binoli Yildirim Anqaradagi matbuot anjumanida ma’lum qildi, deb xabar beradi “Interfaks”.

Foto: AFP

“Ayni vaqtda to‘ntarishning 2839 ishtirokchisi qo‘lga olindi”, — deb bosh vazirning so‘zlaridan keltiradi Daily Sabah.
Oldinroq Binoli Yildirim besh general, 28 polkovnik o‘z lavozimidan mahrum etilgani, harbiy to‘ntarishga urinishda ishtirok etgan yana bir general esa o‘ldirilganini ma’lum qilgandi.
Yildirim isyonning mamlakatdagi barcha qatnashchilari prokuratura qo‘lida ekanligi va jazodan qochib qutulmasligini aytib o‘tdi.
Eslatib o‘tamiz, oldinroq 16-iyulga o‘tar kechasi boshlangan harbiy to‘ntarishga urinish natijasida qurbon bo‘lganlar soni 200 kishiga yaqinlashgani xabar qilingandi .


Turkiyadagi harbiy to‘ntarish


 
 
Batafsil | Подробно | Read more... Daryo