Nestle kompaniyasi Family suv ishlab chiqaruvchisiga qarshi sudda yutib chiqdi

Toshkent xo‘jalik sudi O‘zbekistonda “Nestle O‘zbekiston” qo‘shma korxonasini tashkil etgan Société des Produits Nestlé S.A. (Shveysariya) kompaniyasining Family Group kompaniyasi tomonidan savdo belgisiga bo‘lgan huquqlarining buzilishi to‘g‘risidagi da’vosini ijobiy qondirdi. Bu haqda, “Nestle O‘zbekiston”ga asoslanib, “Gazeta.uz” xabar bermoqda .

Foto: “Gazeta.uz”

Ma’lum bo‘lishicha, reklama faoliyati, Family water suvlarini ishlab chiqarish va sotishda Nestle savdo belgisi grafik elementlaridan foydalangani to‘g‘risidagi Family Group’ga qarshi da’vo aprelda taqdim etilgan.
Nestle Pure Life mineral suvlariga taalluqli bo‘lgan qo‘llarini yuqoriga ko‘targan odamlarning uslublashtirilgan siymosi (bir rangda ishlangan kontur surat), shuningdek, markazdan taraluvchi ko‘k-moviy nurlar manzarasidagi aylana ana shunday qismlardan sanaladi.
“Biz uchun Family suvlari O‘zbekiston iste’molchilarida katta ehtimol bilan u Nestle tomonidan parallel ravishda […] Nestle Pure Life bilan yoki hattoki uning o‘rniga ishlab chiqarilmoqda, degan tasavvurni uyg‘otishi ochiq-oydin dalil hisoblanadi”, — deyiladi kompaniyaning da’vo arizasida.

Nestlé Pure Life logotipi. Foto: “Gazeta.uz”

Sud Nestle’ning da’vosini qondirish, Family Group’ga reklama faoliyati, Family water suvlarini ishlab chiqarish va sotishda qo‘llarini yuqoriga ko‘targan odamlarning uslublashtirilgan siymosi hamda markazdan taraluvchi ko‘k-moviy nurlar manzarasidagi aylanadan foydalanishni to‘xtatish majburiyatini yukladi.
“Nestle O‘zbekiston” 2002-yildan buyon Nestle Pure Life qadoqlangan suvlarini ishlab chiqaradi. Family water esa 2015-yildan O‘zbekiston bozorida paydo bo‘lgan.
Batafsil | Подробно | Read more... Daryo