Oq uy: Turkiyada davlatni to‘ntarishga urinishda amerikaliklar jabrlangani haqida hech qanday belgi yo‘q

AQSh Turkiyadagi davlatni to‘ntarishga urinish chog‘ida amerikaliklar jabrlangani bo‘yicha hech qanday belgilarga ega emas. Bu haqda Oq uy AQSh prezidenti Barak Obama tomonidan o‘tkazilgan Milliy xavfsizlik kengashi majlisi yakunlari bo‘yicha ma’lum qildi, deb yozadi “TASS”.

Foto: “RIA Novosti”

“Biz ayni paytda amerikaliklar halok bo‘lgani yoki yaralangani bo‘yicha hech qanday belgilarga ega emasmiz”, — deyiladi xabarda.
Muassasa ta’kidlashicha, Obama o‘z jamoasiga Turkiyadagi diplomatlar va harbiy xizmatchilar, shuningdek, ularning oila a’zolari xavfsizligi va eson-omonligini saqlash maqsadida turkiyalik hamkasblari bilan ishlashda davom etishni buyurdi.
Davlat rahbari, shuningdek, Turkiyaning demokratik yo‘l bilan saylangan noharbiy hukumatini AQSh har doimgidek qo‘llab-quvvatlashini bildirdi.
16-iyulga o‘tar kechasi Turkiyada harbiy to‘ntarishga urinish yuz berdi. Hodisa natijasida so‘nggi ma’lumotlarga ko‘ra, 265 kishi halok bo‘ldi , 1,1 mingdan ortiq odam yaralandi. Halok bo‘lganlardan 161 nafari hukumat tarafdorlari va tinch aholi vakillaridir.
Batafsil | Подробно | Read more... Daryo