Insoniyat halokatiga sabab bo‘lish ehtimoli katta holatlar ma’lum qilindi

Amerikalik bir guruh tadqiqotchilar insoniyat taraqqiyotining halokatiga sabab bo‘lishi mumkin bo‘lgan realistik taxminlarni ma’lum qildi. Bu haqda, Science jurnali ma’lumotiga tayanib, “RIA Novosti” xabar bermoqda .

Foto: Flickr

Olimlarning taxminicha, “Oxir zamon” uchta sababga ko‘ra — supervulqonning otilishi, quyosh faolligi va asteroid bilan to‘qnashuv oqibatida yuz berishi mumkin.
Birinchi ssenariyga ko‘ra, supervulqonning otilishi oqibatida qit’a bir metrlik kul bilan qoplanadi, binolar vayron bo‘lib, vodoprovod ifloslanadi, qishloq xo‘jaligi nobud bo‘ladi.
Yer aholisi halokatining ikkinchi taxmini Quyosh faolligi bilan bog‘liq. Insoniyatga Quyoshdagi koronal massa tashlanmalari natijasida yuzaga kelgan yuqori energetik zarralarning kuchli oqimi tahdid qilishi mumkin.Bu esa butun qit’alarning elektr energiyasidan uzilib qolishiga olib kelishi mumkin.
Uchinchi ssenariy — asteroid bilan to‘qnashuv ham katta xavfni yuzaga keltiradi. Hisob-kitoblarga ko‘ra, Yerga bir kilometr diametrdagi kosmik jismning Yerga qulashi chang bulutlarini yuzaga keltirib, ular sayyorani bir necha oyga yorug‘likdan mahrum etishi mumkin.
Olimlarning ma’lum qilishicha, o‘z vaqtida zarur choralarni ko‘rish bilan yuqorida sanab o‘tilgan halokatlar qurbonlari sonini minimumga kamaytirish mumkin.
Batafsil | Подробно | Read more... Daryo