Foto: Toshkentning Darxon dahasida boshqaruvni yo‘qotgan Lacetti yo‘l o‘rtasidagi metall to‘siqning bir necha metrini uchirib yubordi

Toshkentning Darxon dahasida 17-iyulga o‘tar kechasi qora rangli Lacetti avtomobili ishtirokida yo‘l-transport hodisasi yuz berdi. Bu haqda Facebook’dagi “Voditeli Tashkenta” guruhida fotoxabar qoldirilgan .

Foto: Facebook / “Voditeli Tashkenta”

Fotoxabar 3:02 da qoldirilgan bo‘lib, uning muallifi surat hodisa joyidan soat 2:24 da olinganini ma’lum qilgan. “Dahshatli avariya! Tong soat 3:45 da o‘tganimda ham ko‘rdim”, — deb bu xabarga izoh qoldirgan boshqa bir foydalanuvchi.

Foto: Facebook / “Voditeli Tashkenta”

Ilova qilingan suratda to‘qnashuv natijasida yo‘l o‘rtasidagi ajratib turuvchi to‘siqning bir necha metri yo‘q bo‘lib ketganini, to‘qnashuv joyida avtomobil bamperi va mayda beton bo‘laklari sochilib yotganini ketganini ko‘rish mumkin.
Hodisada Lacetti’dan boshqa avtomobil ham ishtirok etganmi-yo‘qmi, bu haqda aniq ma’lumot berilmagan. YTH natijasida tan jarohati olganlar to‘g‘risida rasmiy axborot yo‘q.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo