120 ming venesuelalik oziq-ovqat va dori-darmon xarid qilish uchun Kolumbiyaga borib keldi

Venesuelaning 120 mingdan ortiq fuqarosi oziq-ovqat va dori-darmon xarid qilish uchun dam olish kunlari qo‘shni Kolumbiya mamlakatiga borib keldi. Bu haqda “TASS” xabar bermoqda . Kolumbiya TIV hech qanday ko‘ngilsizliklar ro‘y bermaganini ma’lum qildi.

Foto: EPA

Venesuela hukumati shu yilning 10-iyulida 2015-yiling 19-avgust kunidan buyon birinchi marta Tachira shtati va Kolumbiyaning Norte-de-Santander departamenti chegarasidan o‘tishga ruxsat berdi.
So‘nggi yillar davomida Venesuela og‘ir iqtisodiy va moliyaviy inqirozni boshdan o‘tkazmoqda. Oxirgi ikki yilda mamlakatning asosiy eksport mahsuloti – neft narxining pasayishi Venesueladagi inqirozning kuchayishiga olib keldi.
Shu yilning may va iyun oylarida oziq-ovqat va dori-darmon mahsulotlarining keskin ravishda kamayib ketishi mamlakatning bir qator hududlarida norozi aholi va huquq-tartibot xodimlari o‘rtasidagi to‘qnashuvlar avj olishiga olib keldi .
Venesuela prezidenti Nikolas Maduroga qarshi siyosatchilarning nazorati ostidagi mamlakat Milliy assambleyasi (parlamenti) shu yilning fevral oyida oziq-ovqat sohasi favqulodda holatga tushib qolganini ma’lum qilgandi. Deputatlarning fikriga ko‘ra, hukumatning noto‘g‘ri xatti-harakati tufayli mamlakat “gumanitar inqirozga” uchragan.
Avvalroq Venesuelada favqulodda iqtisodiy vaziyat haqidagi qaror yana 60 kunga uzaytirilgani haqida xabar berilgandi .
Batafsil | Подробно | Read more... Daryo