Fiat Chrysler Jeep’ga 1 mlrd dollar pul tikadi

Fiat Chrysler Automobiles (FCA) alyansi Jeep modelidagi mashinalarni yig‘uvchi zavodlar modernizatsiyasiga 1 milliard dollardan ko‘proq pul sarflaydi. Kompaniya bu korxonalarda mingta qo‘shimcha ish o‘rni yaratmoqchi, deb xabar beradi Motor.

Foto: Motor

Ko‘rsatilgan mablag‘ning 350 million dollarlik qismi AQShning Illinoys shtatidagi Belvidir shahrida joylashgan zavodga ajratiladi. U yerda Jeep Compass va Jeep Patriot yo‘ltanlamaslari, shuningdek, Dodge Dart sedani yig‘iladi. Uchala rusumdagi avtomobillar konveyeri ham shu yili to‘xtatiladi. Shundan so‘ng zavodga Jeep Cherokee ko‘chiriladi, ayni paytda Toledoda (Ogayo shtati) yig‘ilmoqda.
Toledodagi zavod modernizatsiyasiga FCA 700 million dollar yo‘naltiradi. Hozir u yerda Wrangler yig‘iladi. 2017-yildan modelning yangi avlodi ishlab chiqarilishi yo‘lga qo‘yiladi.
Batafsil | Подробно | Read more... Daryo