Tayvanda sayyohlar avtobusi yonib ketdi, 26 kishi halok bo‘ldi

19-iyul seshanba kuni Tayvanda sayyohlar guruhini olib ketayotgan avtobus yo‘l-transport hodisasiga uchradi va yonib ketdi, deb yozadi “RBK”.

Foto: “RBK”

Sayyohlar poytaxt Taybey yaqinidagi aeroportga ketayotgan edi. YTH natijasida 26 kishi halok bo‘ldi.
Avtobusda 24 kishi — sakkiz erkak va 16 ayoldan iborat sayyohlik guruhi bo‘lgan. Ularning barchasi hayotdan ko‘z yumgan. Avtobus haydovchisi va ekskursiya turi rahbari ham YTH qurboniga aylangan.
Mahalliy OAVlar yozishicha, avtobus yo‘l yoqasidagi to‘siqqa urilgach, yonib ketgan bo‘lishi mumkin.
Dastlabki ma’lumotlarga ko‘ra, avtobusda xitoylik sayyohlar bo‘lgan, ammo bu xabar tasdiqlanganicha yo‘q.
Batafsil | Подробно | Read more... Daryo