Turkiya flotida harbiy to‘ntarishga urinishdan so‘ng 14 ta harbiy kema yetishmayotgani ma’lum bo‘ldi

Harbiy to‘ntarishga urinishdan so‘ng Turkiya harbiy-dengiz flotida 14 ta harbiy kema yetishmayotgani ma’lum bo‘ldi. Flot qo‘mondoni Veysal Kezele ham 16-iyuldan beri aloqaga chiqmadi: u isyonchilar qo‘lida garovda ekanligi yoki o‘zi ham to‘ntarish yetakchilaridan biri bo‘lgani noma’lumligicha qolmoqda. Bu haqda The Times manbalariga tayanib, “RBK” xabar bermoqda . 

Foto: Reuters

To‘ntarishga urinishga qadar yetishmayotgan kemalar Egey va Qora dengizda xizmatda bo‘lgan. Ularning ayni paytda qayerda ekanligini radar yoki sun’iy yo‘ldosh orqali aniqlash mumkin bo‘lsa-da, kemalarni portga qaytarishning iloji bo‘lmadi. Kemalar harbiy-dengiz shtabi bilan aloqaga chiqmagani ulardan ayrimlari Gretsiya portlariga yo‘l olgan bo‘lishi mumkinligi haqidagi taxminlarga sabab bo‘ldi. 
Eslatib o‘tamiz, oldinroq harbiy to‘ntarish tarafdorlari Marmara dengizining janubiy qirg‘og‘idagi Geljyuk bazasida F-240 TCG Yavuz fregatini qo‘lga olganligi ma’lum qilingandi .
Batafsil | Подробно | Read more... Daryo