Peskov sport vaziri Mutko nima sababdan lavozimidan chetlashtirilmaganini izohladi

WADA mustaqil komissiyasi hisobotida tilga olingan davlat mansabdorlarining lavozimlaridan vaqtinchalik chetlashtirilishi Rossiya sport vaziri Vitaliy Mutkoga daxldor emas, negaki u hisobotdan qalloblikning to‘g‘ridan-to‘g‘ri ijrochisi deb atalmagan. Bu haqda Kreml rasmiy vakili Dmitriy Peskov bayonot berdi, deb yozmoqda “TASS” .

Foto: “TASS”

Eslatib o‘tamiz, kecha, 18-iyul kuni WADA mustaqil komissiyasining 2014-yilgi Sochi Olimpiadasida yo‘l qo‘yilgan doping qallobliklari yuzasidan yakuniy hisoboti e’lon qilindi . Unda, jumladan, qallobliklarga Rossiyaning ko‘pgina yirik davlat mansabdorlari aloqadorligi aytildi. Shu munosabat bilan Rossiya prezidenti Vladimir Putinning bayonoti chop etilib, hisobotda to‘g‘ridan-to‘g‘ri ijrochilar sifatida tilga olingan barcha shaxslar lavozimlaridan vaqtinchalik chetlashtirilishi ma’lum qilindi .
Peskov ijrochi sifatida faqat sport vaziri o‘rinbosari Yuriy Nagornix tilga olinganini va natijada lavozimidan chetlashtirilganini aytib o‘tdi.
Batafsil | Подробно | Read more... Daryo