Oq uy: AQSh Rossiyaning Olimpiada o‘yinlaridagi ishtiroki borasida ma’lum pozitsiyaga ega emas

AQSh Rossiyaning Braziliyadagi Olimpiadada ishtirok etishi bo‘yicha o‘z pozitsiyasiga ega emas, bu boradagi qarorlarni ixtisoslashgan sport tuzilmalari qabul qiladi. Bu haqda Oq uy matbuot kotibi Josh Ernest ma’lum qildi, deb yozadi “TASS”.

Foto: AP

“AQSh Rossiyaning Olimpiada o‘yinlaridagi ishtiroki borasida ma’lum pozitsiyaga ega emas. Bunday qarorlar Xalqaro olimiya qo‘mitasi va muayyan musobaqalar uchun mas’ul bo‘lgan tegishli nazorat tuzilmalari tomonidan qabul qilinadi”, — dedi u.
Shu bilan birga, Oq uy vakili ushbu tuzilmalar “Butunjahon aksildoping agentligi (WADA) ma’ruzasiga javoban ish tutishini” ta’kidladi. “Bu AQSh hukumati bo‘linmasi bo‘lmagan mustaqil organ”, — deya qo‘shimcha qildi u.
18-iyul kuni WADA mustaqil komissiyasining 2014-yilgi Sochi Olimpiadasida yo‘l qo‘yilgan doping qallobliklari yuzasidan yakuniy hisoboti e’lon qilindi . Unda, jumladan, qallobliklarga Rossiyaning ko‘pgina yirik davlat mansabdorlari aloqadorligi aytildi. Shu munosabat bilan Xalqaro olimpiya qo‘mitasining shoshilinch yig‘ilishi o‘tkazildi. Xalqaro olimpiya qo‘mitasi ijroiya qo‘mitasining 19-iyul kuni o‘tkazilgan telefon konferensiyasi yakunlariga ko‘ra Rossiyaga ishonchsizlik bildirish va mamlakatda xalqaro musobaqalarning tashkil etilishini qo‘llab-quvvatlamaslik qarori qabul qilindi .
Batafsil | Подробно | Read more... Daryo