FVV Sirg‘ali bozorida maxsus-taktik o‘quv mashqi o‘tkazdi

Toshkentning Sirg‘ali tumanida joylashgan avtomobil va ehtiyot qismlar bozorida “Zilzila va yong‘in sodir bo‘lganda fuqarolarni qutqarish, birinchi tibbiy yordam ko‘rsatish hamda ularni xavfsiz hududga evakuatsiya qilish ishlarini tashkil etishda obyekt rahbariyati va fuqaro muhofazasi tuzilmalari harakatlari” mavzusida maxsus-taktik o‘quv mashqi o‘tkazildi. Bu haqda Favqulodda vaziyatlar vazirligi matbuot xizmati xabar bermoqda .

Foto: FVV matbuot xizmati

Maxsus-taktik o‘quv mashqining nazariy bosqichida ishtirokchilarga tadbir o‘tkazilish maqsadi bo‘yicha tushunchalar berildi. Obyekt rahbari va o‘quv mashqini o‘tkazish shtabi a’zolarining axborotlari tinglandi. Amaliy bosqichda mavjud o‘quv nuqtalarida FVDT xizmatlari va obyekt fuqaro muhofazasi tuzilmalarining harakatlari amalga oshirildi.

Foto: FVV matbuot xizmati

O‘quv mashqi g‘oyasiga ko‘ra shartli ravishda zilzila sodir bo‘lishi natijasida ma’muriy binoda yong‘in sodir bo‘ladi. Binodagi xodimlar va moddiy-tovar boyliklar, shuningdek, avtoturargohdagi aholi hamda avtomashinalar xavfsiz hududga ko‘chirildi va yong‘in bartaraf etildi.

Foto: FVV matbuot xizmati

Tadbir yakunida ishtirokchilarga Toshkent shahar favqulodda vaziyatlar boshqarmasi qutqaruv otryadining zamonaviy asbob-anjomlari ko‘rgazmasi namoyish etildi.

Foto: FVV matbuot xizmati


Batafsil | Подробно | Read more... Daryo