Pokiston politsiyasi harbiy to‘ntarishga chaqirib kelgan partiya rahbarini hibsga oldi

Pokiston politsiyasi “Olg‘a, Pokiston!” siyosiy harakati yetakchisi Miyon Vohidni hibsga oldi. Bu haqda, Dawn gazetasiga asoslanib, “TASS” xabar bermoqda .

Foto: Dawn

Miyon Vohid mamlakat qurolli kuchlari qo‘mondonligini harbiy to‘ntarish uyushtirib, hokimiyatni qo‘lga olishga chaqirib kelayotgan edi. 13-iyul kuni Islomobod, Karachi, Laxor, Peshovar va Ravalpindi ko‘chalarida “Olg‘a, Pokiston!” faollari quruqlik qo‘shinlari shtabi boshlig‘i general Raxil Sharifni Navoz Sharif hukumatini ag‘darib, hokimiyatni qo‘lga olishga undovchi plakatlarni osib chiqqan edi.
Miyon Vohid Islomobod chetidagi mehmonxonalardan birida qo‘lga olindi. Ayni paytda u harbiy to‘ntarish tashkil etishga urinishda ayblanmoqda.
1947-yilda tashkil topgan Pokiston tarixida harbiylar to‘rt marta — 1958, 1969, 1977 va 1999-yillarda to‘ntarish uyushtirib, hokimiyatni qo‘lga olgan.
Batafsil | Подробно | Read more... Daryo