Respect — narxlarda ortiqchalik yo‘q!

Odamni kiyim bezamaydi, deydiganlarga ishonmang. Shunaqa ham bezaydiki! Shuningdek, ko‘rkamlik, o‘ziga ishonch bag‘ishlaydi va kayfiyatni ko‘taradi. Albatta, kiyim aql bilan tanlangan va maqbul narxda xarid qilingan bo‘lsa. Unisi ham, bunisi ham 23-iyul kuni “Samarqand Darvoza” savdo-ko‘ngilochar markazining 1-qavatida ish boshlaydigan Respect multibrend do‘konida mujassam.

Foto: Respect

Respect – nafaqat vatandoshlarimizning, balki butun dunyodagi chiroyli va xushbichim kiyimlar ixlosmandlarining ko‘ngli va kiyim javonidan joy olib ulgurgan mahalliy dizaynerlarimizga hurmat ramzidir. Do‘kondan Made in Motherland belgisi ostidagi 25 dan ortiq brend taqdim etiladi. Ularning har biri uslub, bichim, ranglar va andozalari jihatidan bir-biridan farq qiladi. Ularning barchasini birlashtirib turadigan jihat esa – yuqori sifat va maqbul narxlar.

Foto: Respect

Balki sizga har kuni kiyish yoki muhim tadbirlar uchun kiyim kerakdir, yoxud ta’tilga mo‘ljallangan yoki ish yuzasidan uchrashuvlarga mos keladigan libos zarurdir. Endi zarur kiyimni izlab o‘nlab do‘konlarni kezib chiqish mashaqqatidan qutulasiz. Ularning hammasi – kundalik kiyimlardan rasmiy kiyim-boshgacha, klassik uslubdan sport uslubidagigacha, an’anaviy liboslardan o‘ta zamonaviylarigacha bir joyda — Respect’da jamlangan.

Foto: Respect

Yana bir quvonchli jihat: maydoni 1287 m2 (!) bo‘lgan do‘kondan butun oila uchun liboslar xarid qilish mumkin. Chunki Respect uslubidagi kiyimlar kichik yoshdagi bolalardan tortib ulug‘ yoshga yetgan insonlar uchun ham mo‘ljallangan. Eng muhimi, endi zarur liboslarni qimmat narxda xarid qilishga hojat yo‘q, axir milliy mahsulotlarimiz nafaqat yuqori sifati, balki hamyonbop narxlari bilan ham sizga ma’qul kelishi aniq. Ishonamizki, aynan shu omil sizni do‘konimizga yana va yana qaytib kelishga undaydi.

Foto: Respect

Yanayam foydaliroq xaridlar sohibi bo‘lishni istaysizmi? U holda sizni 23-iyul kuni “Samarqand Darvoza” savdo-ko‘ngilochar markazining 1-qavatida ish boshlaydigan Respect multibrend do‘konining rasmiy ochilish tadbirida kutamiz.

Foto: Respect

Faqat shu kuni siz mahalliy dizaynerlarimiz yaratgan liboslarning to‘liq to‘plamlarini 40 foizgacha chegirmalar bilan xarid qilishingiz mumkin!
Reklama huquqi asosida
Batafsil | Подробно | Read more... Daryo