“Muslimaat.uz” sayti Ramazon oyida o‘tkazilgan tanlovlarning g‘oliblarini taqdirladi

19-iyul kuni “Islom.uz” portalining “Muslimaat.uz” saytida Ramazon oyida o‘tkazilgan “Ramazonning mening hayotimga ta’siri” nomli tanlovi hamda Shayx Muhammad Sodiq Muhammad Yusufning xotirasiga bag‘ishlangan “Xotira” tanlovi g‘oliblarini taqdirlash marosimi bo‘lib o‘tdi. Shuningdek, “Muslimaat.uz” forumida o‘tkazilgan “Hayit bayramini qanday nishonlaymiz” tanlovi hamda Facebook ijtimoiy tarmog‘idagi “Bintu Sodiq” sahifasida o‘tkazilgan “Ramazonga oid savol-javoblar” tanlovi g‘oliblari ham taqdirlandi. Bu haqda “Muslimaat.uz” saytida xabar berildi .

Foto: “Muslimaat.uz”

Taqdirlash marosimini Qur’on tilovati bilan Fazilat Lutfullayeva ochib berdi. Tilovatdan so‘ng so‘z Odinaxon Muhammad Sodiqqa berildi. Tadbir davomida saytda o‘tkazilgan tanlov haqida, shuningdek, “Bintu Sodiq” sahifasi hamda forumda o‘tkazilgan tanlov jarayoni haqida so‘z bordi.
Tadbirning yakuniy qismida barcha g‘oliblar maxsus sovg‘alar bilan taqdirlandi.
Taqdirlash marosimi Shayx Muhammad Sodiq Muhammad Yusufga atalgan xatm Qur’on ila yakunlanib, xayrli duolar bilan nihoyasiga yetdi, deb xabar beriladi saytda.
Batafsil | Подробно | Read more... Daryo