AQSh 30 yildan beri birinchi marta Yangi Zelandiyaga harbiy kema yo‘llaydi

Yangi Zelandiya bosh vaziri Jon Ki AQSh vitse-prezidenti Jo Bayden bilan Oklendda o‘tkazilgan muzokaralar yakunlariga ko‘ra Vashington shu yilning noyabr oyida Yangi Zelandiya qirollik flotining 75 yilligi munosabati bilan tashkil etiladigan tantanalarga harbiy kema jo‘natishga qaror qilganini aytib o‘tdi. Bu haqda “TASS” xabar bermoqda .

Jo Bayden va Jon Ki. Foto: AP

Ikki davlat o‘rtasidagi yaqin munosabatlarga qaramay, AQSh harbiy-dengiz kuchlari 30 yildan buyon Yangi Zelandiya portlariga kelmagan edi. 1980-yillar o‘rtasida Yangi Zelandiya hukumati mamlakatni yadroviy quroldan xoli zona deb e’lon qildi va bortida yadroviy qurol yoki atom qurilmalari bor kemalarning o‘z portlariga kirishini taqiqlab qo‘ydi. AQSh harbiy kemalari bortida qanday qurol borligini hech kimga oshkor qilmagani bois Vashington va Vellington o‘rtasida ixtilof kelib chiqdi. Buning natijasida AQSh 1986-yilda Avstraliya va Yangi Zelandiya bilan imzolangan harbiy ittifoq kelishuvini bajarishdan bosh tortdi.
Batafsil | Подробно | Read more... Daryo