AQSh Asadning oilasiga aloqador suriyaliklarga qarshi sanksiyalar kiritdi

AQSh Suriya prezidenti Bashar Asad oilasi bilan bog‘liq suriyalik bir necha biznesmenni sanksiya ro‘yxatiga kiritdi, deya xabar bermoqda “TASS” AQSh moliya vazirligiga tayanib.

Foto: Getty Images

Ro‘yxatga kiritilganlardan ikki nafari, Aus Ali va Atiya al-Huriy, AQSh ma’muriyati ma’lumotlariga ko‘ra, Suriya biznesidagi eng nufuzli shaxslardan biri Rami Maxlufga aloqador.
Atiya al-Huriy Moneta Transfer and Exchange firmasini boshqarib, Suriya hukumati bergan vakolat ostida “naqd mablag‘larni Suriya, Livan va Rossiya o‘rtasida harakatlantiradi”, deyiladi AQSh moliya vazirligi ma’lumotlarida.
Rami Maxluf Suriyada eng ta’siri kuchli va badavlat alaviy urug‘ jamoalaridan birining vakili hisoblanadi, prezidentning oilasi ham shu urug‘ jamoaga tegishli. Rami Maxluf — Suriyaning amaldagi prezidenti Bashar Asadning tog‘avachchasi.
Batafsil | Подробно | Read more... Daryo