Qozog‘istonda 5 yil ichida 144 politsiyachi o‘z vazifasini bajarish chog‘ida halok bo‘lgan

Qozog‘iston kuch tuzilmalari faoliyati terrorchilarni aniqlash va qurolsizlantirishga yo‘naltirilgan, so‘nggi besh yil ichida 144 nafar politsiya xodimlari o‘z burchini bajarish chog‘ida halok bo‘ldi, deb yozadi “Interfaks” Qozog‘iston bosh prokurori Jakip Asanovga tayanib.

Foto: “Liter.kz”

“Avvallari chetdan keladigan terrorchilardan xavfsirardik. Endi xavflar ichkarida. Davlat rahbari politsiya va maxsus xizmatlarning terrorchilarni yo‘q qilishdagi rolini qayd etdi va aholini harbiylarga munosabatni o‘zgartirishga chaqirdi. Zarbani birinchi bo‘lib ular o‘zlariga oladi”, — deya ta’kidladi Asanov.
Bosh prokuror ta’kidlashicha, bugungi kunda — terrorchilar dunyodagi birinchi raqamli xavf. “Kuch tuzilmalarining maqsadi terrorchilarni aniqlash va neytrallashtirishga qaratilgan. Buning uchun qonunlar ham, mablag‘lar ham, kadrlar ham bor”, — dedi Asanov.
“Biz yaqinda hozirda har yili ro‘yxatga olinadigan qotilliklar sonini solishtirdik. Ma’lum bo‘lishicha, ketma-ket 20 yildan buyon og‘ir jinoyatlar, o‘ta og‘ir jinoyatlar Qozog‘istonda kamayib bormoqda”, — dedi bosh prokuror.
Batafsil | Подробно | Read more... Daryo