Venesuelada non yetishmovchiligi tufayli McDonald’s restoranlarida “Big Mak” burgerlarining sotuvi to‘xtatildi

Venesueladagi McDonald’s fast fud restoranlarida mahsulotlar yetishmovchiligi tufayli tarmoqning barcha taomnomalaridan “Big Mak” burgerlari olib tashlandi. Bu haqda Globovision telekanaliga tayanib, “RBK” xabar bermoqda .

Foto: Reuters

Xabar qilinishicha, mamlakatdagi yagona McDonald’s mahsulotlarini yetkazib beruvchida “Big Mak” burgerlarida ishlatiladigan non bo‘laklari qolmagan.
Avvalroq Venesueladagi McDonald’s restoranlari mahsulot yetishmasligi bilan to‘qnashgandi. Kartoshka fri o‘rniga mijozlarga yukka ildizi taklif qilingan edi.
So‘nggi yillar davomida Venesuela og‘ir iqtisodiy va moliyaviy inqirozni boshdan o‘tkazmoqda. Oxirgi ikki yilda mamlakatning asosiy eksport mahsuloti – neft narxining pasayishi Venesueladagi inqirozning kuchayishiga olib keldi. Shu yilning may va iyun oylarida oziq-ovqat va dori-darmon mahsulotlarining keskin ravishda kamayib ketishi mamlakatning bir qator hududlarida norozi aholi va huquq-tartibot xodimlari o‘rtasidagi to‘qnashuvlar avj olishiga  olib keldi .
Batafsil | Подробно | Read more... Daryo