Diyego Simeone bir vaqtning o‘zida ham “Atletiko”, ham Argentina terma jamoasini boshqarishi mumkin

Argentina hukumati Madridning “Atletiko” klubi bosh murabbiyi Diyego Simeoneni mamlakat bosh jamoasiga taklif qilishni rejalashtirgan. Bunda gap har ikki vazifani bir vaqtning o‘zida ado etish haqida ketmoqda, deb xabar berdi “Sports.ru”.

Foto: F-arena.com

“Agar terma jamoaning Yevropada to‘p suradigan futbolchilari bir vaqtning o‘zida ikki jamoada o‘ynay olayotgan ekan, demak Simeone ham shunday qila oladi”, — deb ta’kidlagan Argentina hukumati vakillaridan biri Fernando Marin.
Diyego Simeonedan tashqari “Sevilya” klubi bosh murabbiyi Xorxe Sampaoli hamda “Tottenhem” ustozi Maurisio Pochettino nomzodlari ham ko‘rib chiqilmoqda.
Kopa Amerika—2016 finalidagi Chilidan qabul qilib olingan mag‘lubiyatdan keyin amaldagi bosh murabbiy Xerardo Martino Argentina termasidagi faoliyatiga yakun yasagandi.
Batafsil | Подробно | Read more... Daryo